Út fyrir endimörk alheimsins

Langt síðan síðast!

2007-09-05T09:35:00.000Z

Halló elsku HÁS systaz!
Ég ákvað að heilsa aðeins uppá ykkur, finnst svo langt síðan ég hef séð ykkur, hvað þá allar saman. Fer nú að styttast í miklar og mikilvægar breytingar hjá þessum myndarlega hóp, annað hvort kemur ein lítil HÁS systir eða einn lítill HÁS bróðir. Við bíðum spenntar, og ég hef nákvæmlega enga tilfinningu fyrir því hvort þetta sé þessa stundina.
Fór til USA um daginn og ætlaði að kippa með nokkrum uni-sex samfellum með fyrir pullann eða pulluna, en viti menn! Í landi frægð,frama og frelsis er ekki gert ráð fyrir því að fólk fái ekki að vita kynið á meðgöngu. Ég fann barasta ekkert sem hentaði báðum kynjum. Greip tildæmis í einn galla sem var brúnn og hvítur röndóttur og var svo ánægð, en nei; þá stóð skýrum stöfum: BABY BOY á framhliðinni. Eftir mikla leit fann ég þó nokkrar í GAP.

Annars er allt fínt að frétta af mér, haustið leggst mjög vel í mig. Þó svo að e-r lægð sé í mér, harka hana þó af mér með jákvæðu hugarfari og ævintýraleit par exelans. Vona ég:) Eftir 4 ár finnst mér mjög skrýtið að fara ekki af landinu á þessum tíma. Ég er ekki ósátt, enda hef ég verið mikið heima og finnst fínt að vera hérna, en auðvitað er maður smá lens.
Ég ætla þó að reyna að ferðast e-ð það sem af líður ári. Í nóvember ætlum við mæðgur til Californiu (San Fran og LA) og mér skilst að við förum líka aðeins til Mexíkó. Svo langar mig að hitta Team 11 krakkana mína á Julefrokost í desember í DK, þá ætla ég líka að versla e-ar jólagjafir.
En þangað til er það vinna vinna og mikil vinna. Þessi blessaða tónlistarhátíð er frekar umfangsmikil og ég held í nokkra tauma sem viðkoma henni. Svo langar mig að láta sjá mig í Laugum og svitna þar nokkrum sinnum í viku. Kílóin fjúka, en þó koma þó alltaf fljótt aftur. Ég ætla að halda mínu striki og vera komin í kjólinn fyrir jólin... bíddu er ég ekki alltaf í kjól samt?:)

Jæja, þetta er nú meira blaðrið hérna hahah. Takið mig til fyrirmyndar og bloggið eins og vindurinn! Vei vei!

Knús á línuna!
Diljá

Litríkar og sætar

2007-07-29T01:48:00.000Z

Takk fyrir komuna í Arnarklettinn!!

2007-07-24T16:41:00.000Z

Helga Guðný bumbulína og Sigga Hugosdóttir

Ziggy og DillDillfríður og Baunamamma

HÁS-saumó/innflutningsklúbbur

2007-07-16T11:44:00.000Z

Hæ hæ girlur

Hvað segiði um sveitaferð nk. fimmtudagskv?? Var að spá í að bjóða ykkur í Arnarklett 27 kl. 19:30 þennan dag.

Túrilú darlings!

Árshátíð

2007-07-04T19:56:00.000Z

Er árshátíðin alveg dottin upp fyrir? Náum við ekki að finna neinn dag semsagt?
Tjah uss og svei segi ég nú bara...
Mikið er það nú leiðinlegt.

Kannski um jólin þá?

Árshátið HÁS - taka 2

2007-06-28T15:48:00.000Z

Eruði lausar laugardaginn eftir viku??

Hvítasunnudagurinn hjá HÁS

2007-05-28T22:43:00.001Z

Já þetta var nú rosalega góður dagur hjá okkur stöllum. Hægt að sjá meira um daginn á blogginu hennar Maj-Britt. Hlakka til á árshátíðinni, þá verður líka Sara komin heim.

Árshátíð HÁS!!!

2007-05-25T18:18:00.000Z

Hæ hæ

Var að spá í hvenær besti tíminn fyrir árshátíð væri?? Ég skipaði Tinnu sl. sumar í eins manns nefnd til að skipuleggja árshátíð ársins 2007. Diljá skipulagði fyrstu og ég í fyrra og þær voru FRÁBÆRAR!! heheheheh.. svo Tinna verður að standa sig :) Lok júní hentar mér best en hvað með ykkur? Hvenær er Sara á landinu og jamm þið hinar líka ;)

Bíó-ferð

2007-05-21T15:23:00.001Z

Hellú girlur

Ég og Tinna vorum að spá í bíóferð á miðvikudagskvöldið kl. 22. Vorum að spá í Zodiac eða The painted veil. Eru ekki allir memm???

Hjá Tinnu fluffu

2007-05-15T23:00:00.000Z

Tók því miður ekki fleiri myndir þetta skemmtilega kvöld. Hlakka til næst Hásynjur!!!

Útskriftar og eldavélarvirkniboð

2007-05-01T14:47:00.000Z

Jæja mí darlings, loksins er mín fína eldavél komin í gagnið og er ég að hugsa um að vígja hana með trompi næsta laugardag kl 20. Ég veit að þið komist allar nema Sara okkar,, en við bara endurtökum leikinn um leið og hún birtist á klakanum. Í staðinn fyirir dr Söru þá mun jafnmikil perla koma í hennar stað en það er hún Loftkastala Signý. Ég mun gera mitt besta að brenna ekki matinn sem ég er ekki búin að ákveða hver verður...

PS.. þetta er Tinna í uniforminu sínu á útskriftinni.. Hún er þarna búin að taka af sér hattinn og er það einkun af því sonur hennar skellti uppúr þegar hann leit hana augum í dressinu,,, og sagði "mamma hvað ertu með á hausnum?"

Og svo partur af hinum föngulega hóp sem kallaðist námskeið eitt.. Enda vorum við númer eitt, langskemmtilegust, með besta kennararnn, með laangmestu lætin en á sama tíma með langbesta árangurinn :)

Hér í lokin er svo hún dóttir mín hún Emma sem er jafnframt ljósmyndafyrirsæta í hjáverkum. Hér má sjá mína í bílbeltinu sínu á leið í sumarbústað.

Sjáumst hressar á laugardaginn. Ég hlakka til að sjá ykkur skvises:)

Fagur (og stækkandi) flokkur ungra meyja

2007-04-22T14:11:00.000Z

Mikið rosalega þykir mér vænt um ykkur elsku vinkonur. Reynum endilega að gera e-ð huggulegt sem allra fyrst. Og takk kærlega fyrir fallegu gjöfina. Hún trónir vel á hillunni í eldhúsinu, og mér líkar veeel.

Luvjúgæs!

Frábær helgi

2007-04-03T13:40:00.000Z

Takk stelpur fyrir frábært föstudagskvöld og yndislegan laugardag. Mér fannst þetta yndislegt og þá sérstaklega "réttu mér hneturnar" múvið, rassinn hennar Tinnu og dinnerinn hennar Diljá og já brunchinn hennar líka. Mér leið eins og á 4 stjörnu hóteli!! Örlagabókin var punkturinn yfir i-ið. Svo var laugardagurinn frábær, byrjaði á Ellý Vilhjálms svo átum við egg (bæði súkkulaði og venjuleg) röltum í bæinn og kíktum í Kolaportið. Dagurinn endaði svo á Thorvaldsen þar sem að ég bragðaði svoooo góða sjávarréttarsúpu.
Að lokum vildi ég sagt hafa að Diljá keypti sér tvenn pör af skóm og ég tvo kjóla!! GEGGJAÐ!!
ps. ég hef aldrei horft á videomynd í svona mörgum pörtum!

Súkkulaðibaunin

2007-03-26T21:34:00.000Z

Á efstu myndinni er súkkulaðibaunin bara 3 mm hehe... og sést ekkert eila, bara fósturpokinn. Ég á eftir að skanna inn nýjustu myndirnar, þær eru kúl sko. Annars er baunin í stuði og mjög mikill fimleikagarpur. Henni heilsast vel en gjörir móður sinni lífið leitt!

Náttfatapartý

2007-03-13T15:31:00.000Z

Hæ elskurnar!

Ég vil bjóða ykkur í partý á Njálsgötunni. Eða náttfatapartý! Við verðum bara að finna kvöld og nótt þar sem fólk er laust og liðugt.
Ég legg til að við verðum í náttfötum og allir gista.
Borðum saman e-ð gott.
Horfum á kjéllingarmyndir/chick flicks.
Nöglum á okkur allar 10 neglurnar. Setjum á okkur andlitsmaska.
Og svo get ég fengið skemmtilegt spil lánað, svona "hversu vel þekkir þú vini þína...?"-spil.
Mjög vinsælt að fara á trúnó líka...

Hvernig líst ykkur á?

xxx
Diljá

Tinna fluffa

2007-03-10T12:24:00.000Z

Hér fyrir neðan (eða ofan,, hvar sem myndin lendir) má sjá Tinnu óákveðnu í fyrsta kjúklingafluginu sínu. Þar sem ég hef alla tíð verið mjög svo óákveðin og fengið leið á öllum vinnum,,, nema auddað Loftkastalanum þar sem ég ætla aldrei að hætta að vinna hjá,, þá þarf ég oft á tíðum að skipta um gír og gera eitthvað allt annað. Síðast var það Viðskiptafræðin,, jú jú tökum það, lærum hagfræði og stýrivexti, höfum engan áhuga en hey það er praktíst.. Þangað til auðvitað ég var komin með ógeð á sjálfri mér og þessu námi, fékk leið á því eins og flestu og hætti við..

Eins og er akkúrat núna er fluffan voða spennandi:) Ætla að prófa hana í sumar og sjá hvort ég finni veginn minn.. veit samt inní mér pínu hver hann er en þann veg hefði ég þurft að taka fyrir 10 árum... Kannski kemst þessi nálægt því... Allavega gaman að prófa..

Vetrarhátíð

2007-02-23T11:07:00.000Z

Hæ Hásynjurnar mínar!
Nú er kominn föstudagur og úti er sól og blíða...ég var að ríða! haha djók.
Já maður er bara svona hress í morgunsárið. Reif mig upp fyrir allar aldir því ég átti símaafsprak með tutorinum mínum fyrir lokaverkefnið. En nei nei, hann bara lét ekkert í sér heyra. Svo ég bara blogga og blogga eins og vindurinn. Mitt blogg hefur td að geyma 2 nýjar færslur. Ó já Ó já

En halló halló, hver er til í Vetrarhátíð í kvöld? Safnanótt td? Og svo kannski kaffihús eða e-ð.
Let me know. Let it snow. Hey rímar!

Jæja ég ætla að drífa mig. Er að fara á fund með Vísindaráði Íslands á Loftleiðum. Mjög smart.

VELKOMIN HEIM DILJÁ!!!!

2007-02-04T23:42:00.000Z

hæ dúllurnar mínar...

var svona að spá í næsta saumaklúbb víst að Dill pill er komin til okkar á klakann!! Ég var að spá í laugardagskvöldið næsta?? Hvernig væri að taka það frá? Ef að Tinna er að vinna þá gætum við haft hittinginn um daginn?? Ef að hittingurinn er um daginn þá legg ég til að við hittumst í lunch á Súfistanum/Vegamótum og röltum svo á Listasafn Íslands. Svo gætum við tekið video og kúrt okkur hjá Siggu??? Nú ef hittingurinn er um kvöld þá er ég til í að elda saman hjá Siggu (sorry sigga) eða fara út að borða?? Hvað segiði??? Geim????

Nýtt ár!!

2007-01-28T22:42:00.000Z

Jæja elsku HÁS vinkonur. Er ekki komin tími til að vera duglegri hérna á blogginu :) Ég er byrjuð í skólanum aftur eftir góða dvöl í Genf (og Istanbul) en er enn ekki komin í lærigírinn!! Nenni engan veginn að byrja að lesa skólabækurnar. Næst á dagskrá hjá mér er árshátíð í skólanum nk. föstudag en hún verður haldin á Hótel Sögu. Voða flott og grand og kostar sko alveg nóg eða 7500 kall í matinn og á ballið!! já það er ekki að því að spyrja..
Nú Diljá okkar kemur heim um næstu helgi og Sigga fékk sér að hmm já ræsk ræsk og Tinna vinnur stanslaust og Sara er týnd í Afríku!! Kannski að hún hafi bara kynnst súlúmanni og komi ekki aftur heim heldur ali honum börn og buru í strákofa?? En allaveganna elsku snúllurnar mínar, verum duglegar að blogga og halda saumó !! Love love love

Litlu jólin hjá HÁS

2006-12-20T02:09:00.000Z

Lukka Valsdóttir

2006-12-14T16:26:00.000Z

Kynni hér til leiks nýjan meðlim HÁS klúbbsins. Hún heitir Jökla Sól en mun von bráðar taka upp nafnið Lukka. Lukka er jafnframt sætasti meðlimur HÁS. Hana geta hinir meðlimir fengið að hitta strax á nýja árinu en hún flytur inn á Hraunbrún 12 þann 31.desember, að öllum líkindum á neðstu hæð óðalsins í hina nýuppgerðu íbúð ala Tinna og Valur.

Nýr meðlimur??

2006-12-12T03:47:00.000Z

Ég frétti af nýjum meðlimi í Hás.... Lukku??? er það rétt? Hvenær fær maður svo að sjá nýju vinkonuna?

Surprise jól????

2006-12-07T19:30:00.000Z

Hó hó hó. Við Diljá vorum að ræða litlu jólin áðan (meðan Maj var í símanum, Tinna var of upptekin í vinnunni til að tala við okkur og Sara var á away) og við vorum að velta þeim möguleika fyrir okkur að hafa litlu jólin svona surprise jól. Þá mynduð þið leggja pening inn á reikninginn minn og ég myndi sjá um að versla í matinn og kaupa eitthvað skemmtilegt jólastúss fyrir okkur að dunda við um kvöldið. Þá væri það eina sem þið þyrftuð að gera er að mæta á svæðið á síðar ákveðnum tíma með pakka fyrir pakkaskiptin. Hvað finnst ykkur um þessa hugmynd?

Hás-systur

2006-12-07T03:46:00.000Z

Sigga

2006-12-04T09:10:00.000Z

fær svo marga plúsa núna. Takk fyrir símtalið í gær elskan mín!
Vona svo að skýrslulokin hafi gengið vel eftir það, ég sendi allavega strauma:)

Er annars þunn hérna á mánudagsmorgni, já svona er lífið í jólafríinu. Er á leið til Köben á eldheitt stefnumót með kærastanum mínum honum Súmó Helgasyni. Svo glóbal þessi elska, þrátt fyrir ungan aldur situr minn um borð í Express vél núna. Vona að hann orgi ekki né kúki mikið. Já rómantíkin, ó rómantíkin.
Drakk nokkur rauðvínsglös í gær og er svona lömuð núna. Uss maður er að eldast!

Elsku krúllur hafið það gott, nær og fjær.

Allnighter 4!!

2006-12-01T23:56:00.000Z

Staðsetning: Höfðatorg
Athöfn: Lokaverkefni
Tími: 23:58
Geðheilsa: Einn lítill tveir litlir þrír litlir fingur....
Annað: Bráðum koma blessuð jólin...

Allnighter 3!!

2006-12-01T18:50:00.000Z

Staðsetning: Höfðatorg
Athöfn: Lokaverkefni
Tími: 18:56
Geðheilsa: Aldrei verið betri!!
Annað: Mig laaaaaaangar í heeeeiiiiittttttt baaaaaaaað!!!!!!!

Allnighter 2!!

2006-12-01T05:07:00.000Z

Staðsetning: Höfðatorg
Athöfn: Lokaverkefni
Tími: 05:10
Geðheilsa: Enn góð (merkilegt nokk)
Annað: 1.1.1 Almenn útboð

Almenn útboð eru opin öllum, þ.e. öllum er gerður kostur á að bjóða í verkið og er útboðið þá auglýst í fjölmiðlum. Í almennum útboðum er einungis verið að bjóða út framkvæmdina sjálfa en ekki hönnun og því skal hönnun fylgja með útboðsgögnum ásamt verklýsingum og skilmálum sem verkkaupi setur fyrir verkið. Í almennum útboðum er verkkaupa heimilt að taka hvaða tilboði sem er eða hafna þeim öllum.

Allnighter!!

2006-12-01T02:48:00.000Z

Staðsetning: Höfðatorg
Athöfn: Lokaverkefni
Tími: 02:51
Geðheilsa: Góð
Annað: Ein ég sit og sauma......

Nýjar myndir!!!

2006-11-29T21:37:00.000Z

Hérna eru nokkrar nýjar myndir. Lisabonn-blogg er í vinnslu :)

Endurvaknig HÁS síðunnar

2006-11-24T16:51:00.000Z

Nú hefur enginn bloggað hér síðan 14.febrúar. Ýmislegt hefur drifið á daga meðlima HÁS hópsins. Kærastar hafa bæst við, sumir hafa útskrifast, sumir hafa farið á blackout. Ein dvaldist hinum megin á hnettinum í nokkra mánuði. Heja Sverige dagurinn var haldinn hátíðlegur með pomp og prakt (borið fram með sænskum hreim). Hópurinn er að safna pening til að fara til útlanda saman haustið 2007 og viljum við sérstaklega minna Maj-Britti Hjördísi á að borga í sjóðinn til að halda í við okkur hinar sem borgum alltaf samviskusamlega. Enn þá á eftir að taka ákvörðun um það hvert á að fara en það er einmitt skemmtilegt að segja frá því að það gerist einmitt á einum dagskrárliðunum sem hér fara á eftir í liðnum næst á dagskrá. Næst á dagskrá: Litlu jólin sem ákveðið hefur verið að halda þann 19.desember, þar munum við jólast saman, föndra, gefa litlar gjafir og þiggja og svo síðast en ekki síst velja áfangastað fyrir hina kyngimögnuðu haustferð HÁS klúbbsins. Sankti Pétursborg kemur sterkt til greina en aðrar hugmyndir eiga ennþá erindi upp á pallborðið. Muna ekki allir eftir laginu Allt í undankeppni Eurovision árið 2003? En til nánari upplýsinga þá var þessi keppni þann 15. febrúar sem er daginn eftir 14. febrúar sem er afmælisdagur Diljár. Jæja, eigum við ekki að fara að virkja þetta blogg aftur? Núna Stefán!!!!
Kær kveðja, stöllurnar Diljá Ámundadóttir og Sigríður Sigurðardóttir.

Valentínusardagur hjá HÁS

2006-03-08T13:25:00.000Z

2006-03-08T13:24:00.000Z

2005-12-26T13:25:00.000Z

http://www.baggalutur.is/jol/2005.php

SAGAN AF JESÚS

2005-12-20T19:17:00.000Z

Það var um þetta leytiþarna suðurfrá - í miðausturlöndum.
Þar var ungt par á ferlikonan kasólétt - þeim var vandi á höndum.

Öll mótelin vor'upptekinog yfirbókuð gistiheimilin.
Og þannig byrjaði sagan af þvíþegar hann Jesús kom heiminn í.

Þau létu fyrirberastinní fjárhúsi - með ösnum og kindum.
En það var ósköp kósíekki ósvipað – gömlum biblíumyndum.

Þar kom í heiminn – mannkyns vonhinn kunni Jesús Kr. Jósepsson.
Hann endaði í jötunnibeint undir Betlehemstjörnunni.
Og þannig hljómar nú sagan af þvíþegar hann Jesús kom heiminn í.

Hallelúja!

Og þannig hljómar nú sagan af þvíþegar hann Jesús kom heiminn í.
Svo rákinn nefið vitringarsem fyrir rælni voru staddir þar.
Þeir óðu inn með gras og gullog eitthvað óríental jurtasull.

Ó, Jósep sendi SMS.Ó, María, var bara furðu hress.
Ó, barnið lá og snuðið saugmeð bros á vör – og soldinn geislabaug

Og þannig endar nú sagan af því þegar hann Jesús kom heiminn í.
Já, þannig hljómaði sagan af því þegar hann Sússi kom heiminn í.
Þið ráðið sjálf hvort þið trúið því

Amen

2005-12-04T22:16:00.000Z

Ég sjálf

2005-11-26T11:05:00.000Z

Fyrst vil ég taka það fram að ég er enn í verkfalli en ég bara veerð að koma þessu að því þetta er svo merkileg saga..
Ég sá spegilmynd af sjálfri mér í gær! Var að koma úr stæ tíma og var á ljósum í Kópavoginum þar sem ég sá stelpu í næsta bíl sem var aalveg eins og ég! Hún hafði alveg sama háralit, sömu klippingu og sömu gleraugu og það sem meira er, sama andlit!! Mjög spes,, mér hefur alltaf fundist það skrýtið ef einhver talar um að einhver sé alveg eins og einhver annar en þarna sá ég það í fyrsta skipti sjálf. Þetta var eiginlega hálf óþægilegt..
Ég auðvitað fór beint heim, gékk á pabba og spurði hvort hann hefði eitthvað verið hér á árum fyrr að "þið vitið" með einhverri gellu í Kópavogi??
Pabbi neitaði harðlega og gerði meira að segja heiðarlega tilraun um að koma sökinni yfir á mömmu.
Ég hefði átt að elta stelpuna..

2005-11-24T13:35:00.000Z

Ég mótmæli því harðlega að vera sú eina sem skrifar á þessa síðu hérna sko..
Komin í verkfall þangað til heyrist frá öðrum HÁS meðlimum.
Ps. ég flyt víst ekki í íbúðina "mína" fyrir jól.
Hefði nú mátt vita það svo sem,,, Alli nær ekki að klára húsið sitt í tíma..
Ég sem sá fyrir mér stöðug hvítvíns/vídeó/spila/kjafta/innanhússarkektúrs/
afslöppunar/matarboðs/skólabókaverkfalls... kvöld ööll jólin.
Með heimilislausu útlendingunum þeim Maj og Ellu og hinum ekki eins heimilislausu skvísum.

2005-11-21T12:30:00.000Z

Helgin mín er búin að fara í að "leysa upp" 85 ára gamla sögu. Skrýtin tilfinning.,, að ýmist henda, hirða eða gefa hluti sem 2 manneskjur voru búnar að safna að sér í þetta langan tíma. Annar eigenda einn af mínum bestu og kærustu vinum. Fara inn í skápa sem manni lét ekki detta sér í hug að gramsa í... Nú fyrst er ferlinu að verða lokið og ekkert eftir nema minningar. Það eina sem hægt er að heimsækja eru leiðin. Dauðinn er erfiður og grimmur partur af lífsferli..

Linsur

2005-10-25T17:42:00.000Z

Ég hef ákveðið hér með að nota aldrei linsur aftur. Ég ætlaði að vera rosa fín síðasta laug. og setti í mig linsur. Fannst svo alltaf eins og ég væri með sand í öðru auganu og ákvað að gefast upp og taka linsuna... ég reyndi lengi að ná henni úr og fékk meira að segja hjálp frá annari sem kann að nota linsur en linsan sat sem fastast og svo týndist hún. Á mán var ég enn að drepast í auganu og var þar að auki komin með sár á augað, fékk akút tíma hjá augnlækni sem fann hana einhverstaðar bakvið augnlokið! Þá hafði hún falið sig þar bakvið og Tinna sem reyndi að kroppa linsuna úr hafði verið að kroppa í hornhimnuna í staðinn og gert á hana gat,, heppin að hafa ekki eyðilagt á mér augað..
Þið vitið þá skvises að ef þið sjáið mig gleraugnalausa einhverstaðar og ég heilsa ykkur ekki þá er ég ekki að vera dónaleg heldur er ég bara að passa uppá lookið og tek niður gleraugun ef þau passa ekki við outfittið..

Við Sigga fórum í kröfugöngu í gær ásamt öðrum 50 þús konum! Örugglega mjög gaman fyrir þá fáu karlmenn sem voru með að sjá þverskurð af íslensku kvenfólki á öllum aldri á einum stað. Við ætluðum hvorugar að nenna að fara en þar sem mæður okkar beggja hótuðu að afneita okkur þá létum við tilleiðast og drifum okkur. Sem ég sé alls ekki eftir því þetta var svaka stemmning! Og auðvitað eigum við að sýna stuðning í svona málefni þar sem þetta snertir okkur sjálfar...

En ég á semsagt að vera heima núna að læra fjárhagsbókhald,, það var ekkert spennandi í ískápnum og ég búin að skoða öll blogg þannig ég verð víst að druslast til að halda áfram í bókhaldinu....

2005-10-20T10:19:00.000Z

Mikið oofboðslega langar mig núna til að henda öllu frá mér, pakka niður í tösku og fara með álfinn minn með mér til Madrid og setjast þar að. Þar býr hún Ella mín núna og ég heyri stöðugt hvað borgin sé geggjuð! Meira geggjuð en uppáhaldsborgin mín Barcelona! Mjög erfitt að standast svona.. Mikið væri allt auðveldara ef maður ætti bara fullt af peningum og gæti gert það sem manni langaði til!
Ég myndi:

Kaupa mér hús á einhverri eyju í karabíska..
Fara með hele familien í langa heimsreisu og lifa eins og kóngar allann tímann.
Eyða minnsta kosti ári í suður Ameríku, klára að læra spænskuna og skoða og kynnast menningu og fólki þar.

Er þetta norm sem allir falla undir um leið og þeir fara í skóla og eiga að vera að læra en nenna því ekki? Þið vitið.. að finna sér eitthvað annað að gera en að læra, eins og að dreyma um framandi lönd og aðra menningu.. Eða er það bara ég..

Nei nú ætla ég að hætta,, druslast til að halda áfram að læra og klára það sem ég byrjaði á, námið það er að segja.

Ég á nebblega að vera að vera að lesa núna um framleiðslustjórnun og undirbúa verkefni um fyrirtæki sem heitir "Tæknidrasl".. spennandi huh.

Annars er ég orðin skuggalega heimakær og eyddi síðasta föstudagskvöldi í að flokka stæ möppuna mína, nei ég lýg því ekki.. úff. Um helgina er samt smá tilbreyting, þá verður nornaklúbbur en það er samkoma þar sem við þykjumst ætla að lesa í tarot og bolla og spá fyrir hvor annarri. Auðvitað kann engin okkar að lesa í tarot, hvað þá bolla þannig að við borðum bara góðan mat og drekkum óhóflega.

Skammast mín annars fyrir að vera ekki búin að kaupa armband á Airwaves, eitthvað sem maður á að fara á á hverju ári og er alltaf jafn skemmtilegt.. Bara næst.

Og aftur í framleiðslustjórnunina...

mánudagsmorgunn

2005-09-26T07:29:00.000Z

ég elska svona morgna þegar ég þarf ekkert að flýta mér. núna er svoleiðis morgunn. ég ligg hérna uppí rúmi í náttfötum og það er rigning úti, ég er með te í bolla og að hlusta á rás 2 í gegnum netið. á eftir ætla ég að setja í vél og fara svo í góða sturtu. svo ætla ég í skólann.

eftir 2 daga fer ég til vilnius með bekknum mínum. við verðum á 5 stjörnu hóteli og það finnst mér mjög smart. ég keypti myndavél á laugardaginn síðastliðinn og ætla að taka fullt af myndum í vilnius, og svo sýni ég ykkur. en bara ef þið bloggið e-n tíma hérna. nú fer ég að koma aftur heim til íslands.

ég held að ég komi á afmælinu hennar tinnu eða 4 okt. er bara byrjuð að hlakka til að koma heima aftur. en þetta verður ansi strembið og ég verð að skipuleggja tímann minn vel. jámm og jæja.

áskorun á hás

bæjó

reykjavik report

2005-07-27T21:47:00.000Z

vá það er naumast það hrúgast hér að inn af fréttum og öðru eins tjatti HÁS kvenna.... Eru kannski allir uppteknir í sleik? Eða vinna? Eða horfa á Jack? Útí löndum? Eða bara hreinlega útí sólinni sem skýn bæði úti og í mínu hjarta. Oh hvað það er töff að vera væmin. Ætli að strákarnir í SingaporeSling séu e-n tíma væmnir? Þeir eru allavega minn mælikvarði á 1 2 3 TÖFF!
Og svo eru gaurarnir í Trabant smá smart. Sérstaklega með allt þetta glimmer. Ég gleypti alveg við þessu og reyndi aðeins við trommuleikarann. En hann sagði bara "dadadadadaaahhh" og sýndi mér skýnandi gull á baugfingri.
Allt er e-n tíma first og þetta var minn firsti giftingahringur!
Smart...

En já þessa stundina sit ég á myrkuðum höfuðstöðvum (einu stöðvum) GóðsFólks McCanEricsson. Ég þyrfti eiginlega að gera nr. 2 en ég bíð þangað til ég kem heim.

Bæjó

Århus report

2005-05-14T10:04:00.000Z

Jæja hérna liggjum við uppí rúmi á sólríkum laugardagsmorgni í Árósinni. Við erum sko Diljá og Maj-Britt:) Í fyrsta skipti saman í útlöndum, skál!

Erum búnar bralla ýmislegt síðan á miðvikudaginn. Við erum búnar að:

- sitja á Englinum í 5 tíma.
-að skoða höfuðstöðvar KaosPilota
-halda 12 manna sushimatarboð í eldhúsinu á Vesturgötunni
-hlusta 31 sinni á lagið okkar, Sad Eyes með Bruce Springsteen, megi það verða 61 skipti.
-vakna með útúrkrotaða handleggi og bak, frekar subbulegt, frekar KP-legt
-fara á Chokoladefabrikken
-taka myndaseríu af okkur í Latinska hverfinu
-hakka í okkur miðnæturpizzu, jú því innst inni býr villidýr í okkur öllum, við sýndum okkar þarna
-þynnka þynnka þynnka, rúm rúm og skóli...OG tjérnóóbilsprengja í eldhúsinu!
-fullt af fikt í hári og knúserí-I
-bjór og nachos við ánni í sólinni
-unaðsleg stund í spænska SPA-inu. Tyrknesk gufa, heitt hvíldarhreiður og sauna. Mjúkustu líkamar bæjarnis.
-létum okkur dreyma um að opna stelpuSpa heima á meðan við létum þreytuna líða úr okkur...
-til að toppa allt sem hægt er að toppa fórum við á LATIN, best geymda leyndarmál Árósa. Pínulítill en laaangvinsælastur og ó svo góður matur!! hreinlega bráðnaði uppí okkur.
-rotuðumst um leið og við komum heim og erum að vakna núna eftir prinsessusvefn.

Planið er að kíkja í sætar búðir og fara svo í brunch. Svo ætlar Britney að kveðja Dilluna sína og halda til Kóngins Köben og hitta nýgifta parið, Eirík og Marínu. Erfinginn sparkar og sparkar í tilefni komu Britney hihih...

Meira seinna, svo er líka skemmtileg lýsing á síðunni hjá Maj-Britt...

Bæjó

NYC report

2005-05-07T18:34:00.000Z

Jæja loksins...
Æði að vera kominn heim en líka æææði í new york! Ég er semsagt núna búin að klippa visa kortið mitt í örugglega 6 skiptið því ég fer alltaf yfir strikið í eyðslu! Ótrúlegt að læra aldrei af reynslunni og slaka pínu á.. Þyrfti að vera alltaf með pabba í bakhöndinni til að stoppa mig af...Svona sem dæmi um mitt gífurlega mikla fjárhagsvit og eyðslu á peningum sem ég á ekki til þá keypti ég mér jakka á 300 dollara, myndavél á 250 dollara, fór í þyrluflug fyrir 150 dollara eins og sönnum prímadonnum sæmir..... en ok, fuck it einhvern vegin þá reddast hlutirnir alltaf og ég er ótrúlega glöð með nýja jakkann minn.

En allavega, við:

fórum í þyrluflug yfir borgina og sáum þar með alla helstu staði úr lofti. Ótrúlega flott.
fórum á stað sem heitir next door Nobu þar sem reikningurinn eftir kvöldið var bara 800 dollarar.. En það var samt þess virði, besti matur sem ég hef fengið og svo var ótrúlega spes að hafa celebrities eins og Kelly Osbourne á næsta borði og Billy Joel á þarnæsta.. Líka besta hvítvín sem ég hef fengið enda stóðum við varla í fæturna þegar við fórum þaðan út.
Fórum á geeðveika live blús klúbba og ég er núna komin með æði fyrir svoleiðis tónlist núna. Alveg nýjasta trendið mitt.
sáum Beuty and the beast (ætluðum á Lion King en það var sold out)
Fórum á MOMA (Museum of modern art) fullt af myndum þaðan...
Villtumst í central park.
Fórum í Apple búðina þar sem Tinna eyddi yfir þúsund dollurum í I-poda og öllu sem því fylgir. Ég var að fara að gráta þegar ég kom þaðan út og áttaði mig á því hvað ég eyddi miklu í þeirri búð!! úff
Fórum á Hooters sem olli okkur miklum vonbrigðum, ekkert sérstakur matur og stelpurnar þar eru sko alls ekkert hálfberar. Þær eru reyndar lítið klæddar og allar ljóshærðar bombur með stór brjóst. Eini karlmaðurinn í hópnum okkar varð mjög svekktur þegar hann sá að staðurinn var alls ekki eins og hann hafði vonað..

Annars er ég ekkert svo spennt lengur fyrir NYC, evrópskar borgir eru miklu meira spennandi og svo er hún yfirþyrmandi sem veldur því að mar var úrvinda eftir vikuna... Stóð mig að því að vera alltaf að bera hana saman við BCN sem er fallegasta og skemmtilegasta borg sem ég hef komið til..

Þetta var samt geðveikt! En ég verð alveg róleg þó ég komi ekki þangað aftur fyrr en eftir svoldið mjög mörg ár... Um leið og ég er búin að finna útúr því hvernig þessi I-pod minn virkar (ekki alveg að ganga upp hjá mér að downloada inná hann) þá fer ég strax í myndavélapælingar og set myndir á vefinn.

Vá hvað ég er búin að skrifa mikið..... hætt núna

2005-05-07T10:25:00.000Z

Elsku HÁSurnar mínar
ég var að kaupa miða heim til Íslands fagra Íslands og kem ég heim þann 9.júní nk.

Hvar er Tinna?????

2005-05-04T09:20:00.000Z

Nú er liðin rúm vika síðan hún Hrafnhildur okkar fór til Ameríkunnar svo hún hlýtur að vera komin heim aftur og samt er ekki komin nein ferðasaga hér inn á síðuna okkar. Ég lýsi hér með eftir "a New York story" frá dömunni!!! Maður er orðinn ansi þyrstur í eitthvað svona skemmti lesefni eftir allan próflesturinn.

jæja, höldum þessu gangandi!!

2005-04-28T12:30:00.000Z

Er búin að sjá orðið ÚTLANDAÞRÁIN of oft og ákvað að gera e-ð í þessu hérna á síðunni okkar. En já útlandaþráin er sterk í mér líka. Reyndar er ég í útlöndum. En það útland kalla ég "heima" þessa stundina. Samt kalla ég líka Ísland "heim". Vá hvað ég bý í skrýtnum heimi hehehe. Heimi sem mig langar svo að sjá og upplifa.
Reyndar hef ég ekki mikið að segja. Jú nema eitt!

Ég er komin með kærasta....

Útlandaþráin!!

2005-04-13T19:25:00.000Z

Vitið þið stelpur að síðan ég fór út um páskana er ég búin að vera að drepast úr útþrá. Langar alveg verulega mikið að flytja út núna. Mér er eiginlega alveg sama hvert, langar bara að fara eitthvað annað og fá smá tilbreytingu. Ég veit bara ekki alveg hvort það er einhver veruleikaflótti sem er að stjórna þessu eða hvort þetta er ævintýraþráin að brjótast um í mér. Anyways, þá er ég voða mikið að spá í því þessa dagana að klára þetta blessaða nám og drífa mig svo í Master og taka það þá að einhverju leyti eða öllu leyti í útlöndum. Svo er ég líka alveg komin á það að fram að þeim tíma dugir ekkert minna en 2 utanlandsreisur á ári. Maj var náttúrulega að tala um það um daginn að við Tinna skrippum til Köben í haust og hún kæmi frá Þýskalandi og þið Danapíur frá Árósum og Óðinsvéum. Líst bara vel á það. En verð að fara, það er verið að sækja mig í bíó. Hvernig líst ykkur hinum annars á Köben í haust?

Lífið er lotterí

2005-04-12T16:10:00.000Z

-Djöll væri ég til í að vinna í lottó þessa dagana.
-Djöll langar mig í kúrekastígvél
-Djöll langar mig að vera búin í prófum
-Djöll langar mig að lesa bréfin sem að Sara skuldar okkur
-Djöll er ég svekkt að myndavélin hennar Dill týndist
-Djöll langaði mig sérstaklega til að sjá armbandsmyndina
-Djöll er ég átsjúk í prófum
-Djöll hlakka ég til sumarsins
-Djöll er ég spennt í Desperate houswifes
-Djöll er María eitthvað slöpp
-Djöll sakna ég Jacks
-Djöll langar mig í eina útivistarævintýraferð í sumar
-Djöll langar mig í i-pod
-Djöll langar mig að læra ítölsku
-Djöll langar mig að elda tapas
-Djöll langar mig að kyssa
-Djöll langar mig að vera 5 kg léttari
-Djöll langar mig á köfunarnámskeið

.... langaði bara að pústa ............

Star Trek

2005-04-09T18:29:00.000Z

Xindiarnir eru að framleiða vopn til að eyða jörðinni og eru búnir að finna plánetu sem er óbyggð til að prófa vopnið. Andoriarnir eru búnir að bjóða Archer skipstjóra aðstoð sína og eru að hjálpa þeim að laga Enterprise en það fór illa í fyrirbærasviðinu. T´Pol treystir ekki Andoriunum en það er eðlilegt að hún sé tortryggin því hún er Vúlkani. Kom í ljós að hún jafði ástæðu til að vantreysta þeim því þeir rændu frumgerðinni að vopninu sem þeir náðu frá Xindiunum en mönnunum tókst að eyða því áður en Andoriarnir komust með það heim til sín. Eftir það fengu þeir dulbúin skilaboð frá Andoria skipinu me skimunum sem þeir höfðu náð af vopninu áður en Archer eyddi því. Shim, skipstjóri Andorianna var ekki alslæmur. Enda hafa leiðir hans og Archers leigið saman áður og þeir ágætis félagar.

Þessi pistill er tileinkaður Diljá sem er fremur miður sín að vera úti og missa af þættinum!!

ef þu sælar framan i heiminn

2005-04-08T11:05:00.000Z

þá smælar heimurinn framan í þig!!

Sit hérna á RISA stórum grjónapúða í skólanum, það er hádegi og matur í boði skólans. Þeir kunna þetta hérna. Í morgun lærðum við um boddílangvitsj og svo fórum við útí bæ að gera verkefni og þal risa göngutúr.

Alveg sátt með þetta. Er þunn, en meira lunn; sem er skemmtilegast! Megas er æði. Vildi óska að ég hafi getað komist á afmælistónleika hans í gær. En ég er ekki á Íslandi. Ef ég væri það þá myndi ég líka hanga á þessari kvikmyndahátíð sem var að byrja. En svo er ég bara hér í Danmörku og alveg sátt við það. Því á morgun held ég ammlisparty og svo var ég að finna eitt stykki O.Tynes, bara sætari, hérna í KP. Það var e-r gæi að byrja að vinna við skólann. Og ég geri lítið annað en að slefa yfir honum. Hitti hann svo í FÖTEX fyrir nokkru og tók smá flirt á þetta. Svona eins og fólkið í AMmríkunni gerir.
En svo langar mig samt svo að sofa hjá Jesú (vona að maogpa lesi þetta ekki!!)

Jæja ég er farin í bili.

Ykkar
Jónas Ólafur Jónas Ólafur Jóhannesson
frá Hryflu

Próflestur

2005-04-03T14:13:00.000Z

Váts hvað ég gleymi því alltaf milli lokaprófa hvað það er mikill dauði og djöfull að lesa undir próf... :-( ohooo!!! ég er bara ekki að nenna þessu..... en þetta er víst the downside of School he he.. vonandi verður gaman að fá út úr þeim :-) annars er allt svona barasta fínt að frétta... Það var mjög gaman að fá Söru og Dill heim í páskafríinu og Dill fer á morgun ef að mér skjátlast ekki... svo er náttla sumarið að nálgast. Ég væri nú til í eina göngu eða svo?? er einhver geim í það? Ganga og tjalda eða taka bústaðinn á þetta og vera latar ?? Látum nú þennan klúbb standa undir nafni og tökum eina ferð saman út á land í sumar, hvað segiði? Nú svo er Ziggy að skoða norska brettakennara og norska lækna líka! Vona að bakið lagist sem fyrst og Jack saknar þín voða mikið. Jæja, hristið nú rallana á ykkur og elskiði lífið... og Bobby, Bobby, BOBBY FISHER!

daut

2005-03-30T19:46:00.000Z

já ég veit að það eiga að vera 2 t í Dautt en mér finnst þetta fyndið. En ég spyr? er þetta daut blogg? Enginn búin að skrifa í háa herrans tíð né leggja orð í belg í kommentakerfinu.
Jæja ég fer nú að kveðja landið eftir örfáa daga. Enda komið fínt í bili. Búin að skemmta mér vel og hitta alla. Um helgina ætla ég á tónleika með HJÁLMAR á Nasa. Og það væri gaman að sjá ykkur (sem komast) þar og dilla rassinum.

Hlakka til að heyra í ykkur elskurnar...

GLEÐILEGAN G-DAG!!!!

2005-03-18T12:42:00.000Z

jæja, ég er komin heim til Íslands, ásamt söru minni!
Klukkan er 13 núna og ég er aðeins að stússast í þessari dagskrá. Hlakka svo til að sjá ykkur eftir 3 tíma! og hlakka til að gleðja ykkur og hafa það gaman!!! Ég er svooooo rosalega afskaplega spennt!! Trúi ekki að dagurinn sé bara runninn upp!!

En jæja ég er farin útí daginn, bæjinn!!

Sjáumst á eftir!!

Komdu reglu á fjármál þíns heimilis

2005-03-17T10:25:00.000Z

Jæja rassgötin mín. Er ekki best að fara að kýla operation together to the outland i framkvæmd? Maja ertu búin að stofna ferðareikning fyrir okkur? Hvað finnst ykkur vera hæfileg upphæð? Mér finnst 1000 kr. vera fínt á mánuði. Svo er kannski hægt að hækka það aðeins yfir sumartímann. Ég legg til að við drífum þetta bara í gang. Maj ef þú verður gjaldkeri þá skal ég taka að mér það hlutverk að minna þá sem eiga erfitt með að muna svona hluti á að borga hver mánaðarmót (nefni engin nöfn CRAFT). Þá kannski komumst við í þessa ferð eftir svona 2-3 ár. Er ekki bara gott plan að Maja stofni reikning fyrir næstu mánaðarmót og fyrsta greiðslan verði í byrjun apríl?

upphitun

2005-03-14T12:40:00.000Z

Hér kemur smá skýrsla eftir síðasta laugardag.
Partur af HÁS klúbbnum ákvað að kanna skemmtistaðina aðeins og hita upp fyrir næsta föstudag. Ziggy byrjaði kvöldið snemma og fór í rauðvínsteiti hjá Guðrúnu, síðan hittu þær Maj og fóru saman á KB. Ég however fór í bíó þar sem ég sá sjálfan mig mjög skýrt... og mætti síðan á KB um 1.30. Þar voru gellurnar með sófaborðið og flottasta barþjóninn hann Baldur með sér, og í geðveiku stuði! Áður en kvöldinu var lokið var Maj búin að dansa uppi á stólum, dotta aðeins í mjúka sófanum og lenda á sjens hjá allavega þremurn áður en hún stakk okkur af uppí leigubíl! Ziggy sem annars er þekkt fyrir að vera frekar dönnuð og ná að halda sönsum í drykkju klúðraði því gjörsamlega! Áður en hennar kvöldi var lokið þá var hún búin að detta við barinn þar sem einhver traðkaði á henni, fara á ölstofuna og vegamót án þess að muna eitt augnablik af þeim ferðum og stoppa svo ungan saklausan strák sem hún fékk til að skutla okkur á select svo hægt væri nú að kaupa rækjusamloku og mix (fastur liður eftir djamm hjá okkur). Á select sat hún í bílnum og beið á meðan ég verslaði með hausinn út um gluggann og mjöög áhyggjufullan bílstjóra í framsætinu!! Til að halda mannorði Siggu eins óskertu og hægt er þá mun ég ekki fara nánar útí hvað gerðist þegar heim var komið... Uff greyið mitt sko..
Ég sem var bythe way rosa hress þar sem ég byrjaði drykkju löngu á eftir þeim, lenti nú ekki í miklu,, jú ég hitti frakkann minn sem er alltaf lang flottastur og hefur alltaf jafn lítinn áhuga á mér! djö.. Hann kemur alltaf og talar aðeins við mig(ef hann er í glasi), setur hendina um mittið á mér sem er nóg til að sannfæra mig aftur... og lætur sig svo hverfa eins og alltaf. Hvað er málið með franska karlmenn, eða allavega þennan franska karlmann!! Baldur segir að hann sé hommi,, ekki sjens hann fái mig til að trúa því. Hann er bara að hughreysta mig þessi elska.
En allavega þá voru þetta helstu atburðir laugardagsins... næsta föstudag verður sigga í rauðvínsstraffi og maj verður látin drekka magic þegar augun hennar byrja að síga..
Næsti föstudagur verður líka mjöög skemmtilegur þar sem ekki aðeins partur af HÁS verður á djamminu heldur allur klúbburinn!! jeyj

vikuafmælið...

2005-03-13T14:58:00.000Z

til hamingju HÁS, til hamingju íslendingar og til hamingju Ólafur Ragnar! Okkur hérna í HÁS hefur tekist að halda úti bloggsíðu í heila 7 daga og ef við viljum; þá getum við litið á þetta sem stóran sigur fyrir hönd þjóðar og scandinavíu! JÁ ef maður vill líta þannig á hlutina er allt svo gott.

ég er stödd á mejlgötunni, nánar tiltekið aðalbyggingar KaosPilot skólans. Hér er ég eirðarlaus að reyna að gera verkefni en hugurinn leitar heim. Heim í heiðardalinn, eða víkina. Reykjavíkina okkar. Í eyrunum syngur Ellý Vilhjálms um bænina sem hún vill að e-r heyri. Hvað er huggulegra svona á sunnudagseftirmiðdegi. Langar í sund, vesturbæjarlaugina. í miðlungspottinn þar sem nuddið er. Og svo myndi ég stökkva í gufu þangað til ég gæti ekki andað lengur og fá mér íslenskt vatn í krananum fyrir utan. mmmm.

Saran var að frá mér. Þetta var nú meiri assskotas rallamaraþonið ha? Fyrir utan það borðuðum við góðan mat og sukkuðum í nammi og ís. Horfðum á Idol, íslenskt sko. Alveg óendanlega kósíkvöld. Svo gaman samt að kveðjast áðan á strikinu og segja:
SJÁUMST Á FÖSTUDAGINN KL. 16 UPPÍ HALLGRÍMSKIRKJUTURNI!!!

ég verð bara að segja fyrir mína eigins hönd: ÉG get EKKI beðið!! hahhh!!!???? (eins og magga segir...)

HÁS saman í útlöndum

2005-03-08T20:54:00.000Z

Hey skvíses, hvað segiði um að stofna söfnunarreikning og skella okkur saman til einhverrar spennó borgar á komandi árum?? Ég væri massa til í að hafa það gaman saman í HÁS-fíling í úglöndum!

HÁSTÍÐIN

2005-03-08T19:01:00.000Z

Vildi líka láta ykkur vita að þetta lítur allt saman mjög vel út hjá moi líka:) Mér tókst að redda fríi frá vinnu þann 19.mars (var ekki alveg að ganga upp til að byrja með) sem þýðir að ég þarf ekkert að vera komin heim til mín snemma á árshátíðarkvöldinu.. jey!
Meira að segja verður mar barnlaus því snúðurinn minn er að fara í vatnaskóg með kirkjunni sinni yfir nótt.. ekki svona hissa maja sæta:) Þó mamman trúi ekki alveg á það sama og þið hin þá ákvað gaurinn minn að gera það.
Útlitið er semsagt rosa gott og allt á eftir að ganga upp nema flugumferð sem ferjar stórann part af hópnum komi til með að klikka á okkur. Hæpið...
Hlakka til að sjá ykkur allar í sama rými og á sama tíma, gerist alltof sjaldan!

Vísindaferðin mikla!

2005-03-08T13:52:00.000Z

Sælar yndisfríðar.
Mér fannst bara rétt að láta ykkur vita að vísindaferðin sem átti hugsanlega kannski að verða verður núna um helgina, föstudaginn 11.mars svo ég kemst með í allt prógrammið 18.mars!! Vona að þið getið andað léttar núna :P

KVENNA- OG V-DAGUR

2005-03-08T13:07:00.000Z

Gleðilegan kvenna og V dag kæru HÁS systur mínar nær og fjær!
Við hérna KaosPilot stelpur á Mejlgötunni í Árósum erum í svaka baráttugír og í kvöld verður stelpupartý niðrí sal.
Það er bara mikið að gera í skólanum þangað til ég kem heim. Verð búin að skjóta rótum hérna í einn stólinn næstu daga, því það lítur allt út fyrir að ég verði hérna frá morgni til kvölds.

En um helgina tek ég mér nú samt smá pásu því þá ætlar súperskvísan hún Sara að koma uppeftir til Árósa. Planið er bara að taka því rólega; sleikja ralla og tala þangað til að við fáum harðsperrur í kjálkann. Svo er líka nýjasti þátturinn af Idolinu á leiðinni yfir hafið og hljómar það gott plan að kúrast yfir því. Er það ekki Serah?

HAS-ARSHATIÐ

2005-03-06T22:13:00.000Z

Jæja elskurnar mínar, þá er ég búin að sitja sveitt í dag við undirbúning árshátíðarinnar (þegar ég átti að verða að læra að vísu hahahah)

Þema dagsins er bókstafurinn G! Og þá leggjum við mesta áherslu á hluti eins og td: GULL, GLOSS, GLIMMER, GLAMÚR OG G-STRENG. Svo megið þið auðvitað láta hugann reika en við leggjum áherslu á G! (græn graftarbóla er þess vegna málið ef þið kjósið að hafa það þannig ahhahah)

Þið eigið að mæta föstudaginn 18.mars kl.16.00 stundvíslega uppí Hallgrímskirkjuturni. Eina sem þið eigið að koma með með ykkur eru sundföt og meððþví.

Dagskráin skiptist uppí tvo hluta. Dagsprógram frá 16.00 til 18.30 og þá er tími til að fara heim og hafa sig til fyrir kvöldið. Svo byrjum við aftur kl.21.00. Þannig að það eru þarna 2 og hálfur tími sem við höfum. Ég mæli með því að vera búin að ákveða í hverju þið ætlið og hvernig þið komið ykkur til og frá Hallgrímskirkju, og aftur niður í bæ. Ég sé um að vera á bíl í dagsprógraminu, svona svo við séum saman þá:)

Vona að þetta sé nokkuð skýrt:) Svo geta alveg tímasetningar breyst, en við skulum miða við þetta.

11 dagar í að dönsku skvísurnar koma á klakann

2005-03-06T21:26:00.000Z

Það er niðurtalning hjá minni eins og svo oft áður þegar ég er á leiðinni heim. Mér finnst ég einmitt ekki vera búin að fá að njóta ykkar nóg þegar ég hef verið heima þannig að nú er ég rosa fegin að það er verið að plana eitthvað skvísutengt.

Ég skil ekki að við höfum ekki verið búnar að stofna svona blogg fyrir löngu síðan eins og hverjum sönnum stelpuklúbb sæmir.

Hlakka til að lesa um ævintýri ykkar og hlakka enn meira til að sjá ykkur og knúsa.

Árshátíð HÁS

2005-03-06T13:30:00.000Z

Sælar skötur (elskur á dönsku). Hvernig var með árshátíðina 18.mars? Var einhver "skemmtinefnd"? Maj og Dill, voruð þið ekki komnar með rosa plön? Það væri nú gaman ef þið gætuð púslað saman dagskrá og sett hana hér á þessa fínu bloggsíðu okkar. Hlakka til að heyra frá ykkur skonsur.

Laura Ingalls

2005-03-06T13:05:00.000Z

.... er mætt á staðinn :-) eða kannski Nelly hí hí. Jamm mér líst súper vel á þetta hjá okkur. Þetta er brill sérstaklega þar sem að tvær af gellunum eru erlendis. Hlakka til að sjá skemmtilegar bloggfærslur og jamm Tin... sérstaklega frá þér :-)

2005-03-06T12:29:00.000Z

Vei vei
við erum komnar með HÁS blogg!! Við verðum að vera aktívari hérna en í aktivities!!! hahahha
Og svo leiðir bara eitt af öðru, það er ég viss um.

2005-03-06T11:45:00.000Z

Ok mí signuð inn. Loksins... eftir 3 tilraunir.
Ekki sjóaður bloggari hér.

Smá tilraun

2005-03-06T11:23:00.000Z